" كانوا شحم على نار "

كانوا شحم على نار
و كبروا و ماعادهم صغار
و صار الحكي بينهم أسرار
ياترى مين اللي يغار
و مشي الزمان ودار
و خلت منهم الدار
انتهت المهمه وعقلي علي شار
خليهم يسبحوا مع التيار
وخليك زي النجم سيار
تطل عليهم بالمنظار
ولا تهتم و لا تحتار
ولا تسوي زي جحا والمسمار

" الحب ماينشرى ولا يتباع "

الحب ما ينشرى ولا يتباع
ولا هو كمان شي مشاع
وماهو محب إللي مايتلاع
وإذا حكم الهوى ينصاع

الحب بلوى ، ماهو متاع
واللي يوقع فيه ضياع
عشان الحب أنواع
وفيه صناعه وفيه صناع

حبيتك وأنا كلي لك سماع
ماعرفت إنك من الصناع
وبكلام الحب تشتغل بياع
وتبيع الحب بالمتر وبالدراع

إللي يجي من الباب موبياع
وقصده شريف ، وماهو بخداع
يبغى الحلال ، و للشيطان مناع
وللموده والخير زراع بن زراع

" ندمان "

إللي ما تربيه الأهالي
يربيه الزمان و الليالي
خلي التجارب تنسيه الأسامي
و خلي الأيام تعلمه الحكاوي

ويغني ظلموه من بين الأغاني
ويشوف النجوم في الضهاري
ويهيم داير في الحواري
ويقول ندمان و راجع من تاني

أبدي الندم وأبوس الأيادي
ترى غلطان وأرجع في أقوالي
نسيت نفسي و ماشفت أفعالي
وركبت راسي وكادوا لي الأعادي